Liderado por Gain a través do CIS Tecnoloxía e Deseño, o proxecto abordará a adaptación das empresas auxiliares do naval aos novos requisitos que implicará a implantación universal por parte dos estaleiros do Xemelgo Dixital nos procesos de deseño, construción, operación e mantemento.

Ademais de Aclunaga (Asociación Clúster do Naval Galego) e GAIN, participan tamén no proxecto a Universidade da Coruña, Catim (Centro de Apoio Tecnolóxico á Industria Metalomecánica), a Universidade Portucalense e as empresas Ibercisa Deck Machinery, Industrias Ferri e Electrorayma. O orzamento total do proxecto é de 1.386.666 euros para o período de xuño de 2023 a decembro de 2025.