PUNTO DE ENCONTRO DO SECTOR NAVAL GALEGO

Única asociación empresarial específica do sector naval en Galicia

Constituída en 1999, a Asociación Clúster do Naval de Galicia (ACLUNAGA) foi a segunda agrupación de empresas que se creou no sector naval español baixo o concepto de Clúster. Trabállase desde entón nunha maior diversificación cara a novos sectores de alto contido tecnolóxico, ao tempo que o Clúster consolidouse como o primeiro e principal punto de encontro de todo o entramado empresarial e social que participa na construción naval.

Dende os seus inicios e impulsada pola Consellería de Industria, Comercio e Innovación, os obxectivos de ACLUNAGA centráranse na mellora tecnolóxica e a investigación, a sofisticación produtiva e as melloras de eficiencia, así como novos métodos de deseño de produción e calidade, formación e organización.

A agrupación de empresas cuxos intereses conflúen na elaboración de produtos de alta calidade xogou un papel moi relevante en situacións especialmente delicadas e na última crise económica. A cooperación empresarial, xunto coa implicación doutros axentes que inciden no sector (administración, universidade, sindicatos, asociacións sectoriais), revélase como un factor estratéxico de primeiro nivel para afrontar os retos que se presentan.

Hoxe por hoxe, a traxectoria e experiencia acumuladas polo Clúster aválano non só como a única agrupación específica do naval galego, senón tamén como o principal punto de encontro de todo o entramado empresarial (tamén social) que participa na produción, na xeración de valor e nos servizos necesarios para atender as necesidades xeradas arredor da construción naval.

ACLUNAGA – CLAVES:

• ÚNICA DO SECTOR– Foi un dos dous primeiros clústeres de España vinculado á construción naval. Hoxe en día é a única agrupación empresarial específica desta actividade en Galicia.

• REPRESENTATIVIDADE E COBERTURA – A larga tradición do sector naval mantén a día de hoxe a súa puxanza sobre todo en Ferrol e Vigo e as respectivas áreas de influencia (aínda que non as únicas), onde conta cunha ampla presencia e representatividade.

• CLÚSTER – Tódalas actividades empresariais que interveñen nos proxectos de construción naval están amplamente representadas no seo de ACLUANAGA.

Na actualidade, no Clúster participan empresas cuxos produtos e servizos cobren todos os segmentos da cadea de valor da construción naval, desde estaleiros e enxeñarías ata sociedades de clasificación e certificadoras, pasando por empresas provedoras de bens de equipo e subministracións, empresas habilitadoras, instaladores ou empresas do metal. Deste xeito, o primeiro obxectivo de ACLUNAGA, consistente en converterse na institución que máis fielmente reflicte e representa o sector naval galego, está logrado. E consolidado.

ACLUNAGA EN CIFRAS:

O clúster conta actualmente con máis de 130 asociados e abarca a práctica totalidade da cadea de valor do sector.
Cadea de valor do sector naval galego integrada en ACLUNAGA

• 12 estaleiros
• 101 empresas da industria auxiliar
• 7 institución de apoio (administración pública e asociacións profesionais)
• 4 organismos de I+D+i e entorno educativo
• 6 entidades de servizos de apoio

O ámbito xeográfico da Asociación concéntrase principalmente nas provincias de Pontevedra e A Coruña.

• 51% Pontevedra
• 42% A Coruña
• 2% Lugo
• 1% Ourense
• 4% Outras