Grupos de traballo
Os nosos comités de traballo son o motor que impulsa a nosa innovación, eficiencia e compromiso coa excelencia. Dende o desenvolvemento de produtos ata a xestión de recursos humanos, cada comité está formado por profesionais apaixonados e dedicados que traballan en conxunto para acadar os nosos obxectivos corporativos.
COMITÉ COMERCIAL
PRESIDENCIA DO COMITÉ
Andrés Moya
DETEGASA
COORDINADORES
Rada Zavaronkova
NORINVER INGENIERÍA
Alfonso Rey
PROGENER
DESCRICIÓN E OBXECTIVOS
Trátase dun dos comités máis activos nos últimos anos. Decídense entre outras cuestións:
– Os destinos de Feiras e Misións Comerciais aos que acode o Clúster coas empresas asociadas baixo as axudas de Internacionalización da Xunta de Galicia.
– Contratación conxunta de stands e material promocional.
Nos anos 2017-2018, ACLUNAGA participou en 16 misións comerciais; en 2018-2019, en 19. Para os anos 2019-2020 están programadas 19 actuacións internacionais a destinos como: Estados Unidos, Rusia, China, Australia, Xapón, Colombia, Chile, Perú, Turquía, Noruega, Reino Unido, Alemaña, etc.
COMITÉ FINANCEIRO
PRESIDENCIA DO COMITÉ
Marcos Freire
FREIRE SHIPYARD
DESCRICIÓN E OBXECTIVOS
O último comité financeiro de ACLUNAGA estivo composto por entidades bancarias como: ABANCAMAR, CAIXABANK ou SABADELL, onde se abordou principalmente a cuestión da busca de instrumentos e vías de financiamento alternativas tanto para os Estaleiros como para a Industria Auxiliar.
A busca de novos métodos financeiros para a construción naval e a análise de ferramentas grupais exitosas marcarán o futuro deste comité, que traballará proximamente para acadar solucións que cheguen a toda a industria galega.
COMITÉ DE RECURSOS HUMANOS E FORMACIÓN
PRESIDENCIA DO COMITÉ
Rubén García
T y M GANAIN
DESCRICIÓN E OBXECTIVOS
O Comité de Recursos Humanos e Formación foi o encargado da elaboración das propostas técnicas presentadas ao IGAPE para a confección dun Plan de Formación que se axuste ás necesidades do Sector da Construción e Reparación Naval en Galicia.
Por outra banda, os cursos de formación que se imparten dende ACLUNAGA recollen as propostas do Comité e adáptanse á realidade do sector para ofrecer unha cobertura pragmática ás demandas das empresas asociadas.
COMITÉ DE ENXEÑARÍA
PRESIDENCIA DO COMITÉ
Carlos Alonso
Director General Grupo Emenasa
DESCRICIÓN E OBXECTIVOS
Algunhas das temáticas tratadas por este comité son: sistemas de xestión; sistemas de cálculo e deseño; sistemas de intercambio de información; a creación de seminarios e formación técnica específica; a recollida dos cambios normativos que vaian xurdindo; a elección das diferentes visitas e viaxes técnicas e tamén a definición dos perfís profesionais axustados ás necesidades das empresas.
Neste sentido, a colaboración con centros tecnolóxicos membros de ACLUNAGA e outros clústeres tamén foi recollida como conveniente para a ampliación de recursos á disposición das empresas asociadas. Isto permitirá a realización e consulta de estudos máis complexos e non tan cotiáns.