"Segunda fase do proxecto AUTOPAPERLESS, que promove a dixitalización da documentación asociada a procesos produtivos no sector da automoción, co obxectivo de ser unha fábrica con 'papel cero'.

A dixitalización da documentación asociada a procesos produtivos para o sector de automoción de Galicia persegue a optimización dos procesos industriais das empresas do sector de automoción galego mediante a parametrización sectorial, a implementación e a proba dunha plataforma para a dixitalización da documentación de planta mediante formularios electrónicos. O obxectivo é ser unha fábrica con PAPEL CERO, incrementando a accesibilidade, a trazabilidade e a funcionalidade a través do emprego de instrución por voz e a consulta da información en tempo real.